Tuesday, March 29, 2011

ஹலோ பொண்டாட்டி கூட வாக்கிங் போறவரே..!!

வணக்கம் மக்களே! இன்னைக்கு நம்ம கிட்ட சிக்கி இருக்கது பொண்டாட்டி கூட வாக்கிங் போறாவங்க. அதுவும் முக்கியம ப்ளட்பார்ம் மேல போறவங்க.

ஏண்டா வெண்னைகளா!! உன் பொண்டாட்டிய கூட்டிகிட்டு நீ வாக்கிங் போ. ஆனா வழியவிட்டு போ. எதுக்குடா எங்க வழிய அடச்சிகிட்டு போறிங்க? எதோ உங்க விட்டு எஸ்டேட்ல நடக்கர மாதிரி. அதுவும் கொஞ்சம் ஓரமா போய் தொலையலாமில்ல? நாடு ப்ளட்பார்ம்ல நடப்பாரு. இவரு பாதி வழி அடச்சிபாரு. இவரு பொண்டாட்டி மீதி அடச்சிக்கும்.

இரண்டு பேரும் ஜோடியா பக்கத்து வீட்டு தாத்த எதிர்த்த விட்டு பாட்டிய கூட்டிகிட்டு ஓடி போனத பத்தி ரொம்ப சீரியஸா பேசிகிட்டு போவிங்க. நாங்க எல்லாம் எதோ பாதுகாப்பு படை மாதிரி உங்க பின்னாடியே எப்போடா அய்யா வழி விடுவாரு சொல்லி வரனும்.

சரி இந்த எருமை மாடுங்க வழிவிடாது சொல்லி தப்பி தவறி எக்ஸ்கியூஸ் மீ சொல்லிட கூடாது. ஏதோ அவரு பெட்ரூம்ல வந்து எக்ஸ்கியூஸ் மீ சொன்ன மாதிரி கேவலமா ஒரு லுக் விட்டு அப்புறம் இவரு வழிவிடுவாரு. உங்களுக்கு பின்னடி ரொம்ப பக்கத்துல செருப்பு சத்தம் கேட்ட கொஞ்சம் திரும்பி பாருங்க. யாராவது தொண்டைய செருமும் சப்தம் கேட்ட வழி விடுடா நாயே சொல்றாங்க புரிஞ்சிகிட்டு வழிய விட்டு தொலைங்க.

கேக்கனும் நினைச்சேன்... அது என்னடா குடிக்காமலே தோள் மேல கைய போட்டுகிட்டு ஆடி ஆடி நடக்கறிங்க?  என்னாது அது? அதான் லவ்வா? இல்லை இரண்டு பேரும் குடும்பத்தோட போய் குடிச்சிட்டு வறிங்களா? லெப்டல கொஞ்சம் வழி இருக்கே நாம ஓவர் டேக் பண்ணி போலாம் பார்த்தா அப்போ தான் இவரு லெப்ட்ல ஆடுவாரு. சரி.. ஏழரை லெப்ட்ல போய்டுத்தே சொல்லி நாம ரைட் எடுத்தா அப்போதான் இவரு ரைட்ல வருவாரு. 

இந்த பொழப்புக்கு ரமேஷ் மாதிரி மூனு பாட்டு லிங்க் போட்டு இதுவும் பதிவு நானும் பதிவரு சொல்லி காலத்த ஓட்டலாம். ஏன்னா உங்களை எல்லாம் கேரளாவுல கூட அடிமாட சேர்த்துக்க மாட்டாங்க.

.